“Ağıllı” saat üçün səsli kəmər

2016-09-08 10:10:06 / 7264 dəfə oxunub

"Samsung C-Lab" şirkəti "Sgnl" saatları üçün barmağı qulağa yaxınlaşdırmaqla səsli rabitədən istifadəyə imkan verən "ağıllı" kəmərin ilkin sifarişlərinin qəbuluna başlayıb.

Sabahinfo.Az ICTnews-a istinadən bildirir ki, texnologiyanın əsasını bədənin vibrasiya keçiricilik qabiliyyəti və xüsusi audiosiqnal emalı alqoritmi təşkil edir. İş zamanı kəmərdə quraşdırılan aktuator qurğusu dərinin titrəməsini ötürdüyü halda alqoritm seçim edərək səsli siqnalı səsli dalğa uzunluğunun modulyasiyasına uyğun gücləndirir. Danışıq üçün istifadəçi kəmərin geyindirildiyi baş barmağı qırtlağa, şəhadət barmağını xarici qulaq keçəcəyinə yaxınlaşdıra bilər. Kəmər və smartfon arasında məlumatların ötürülməsi "Bluetooth" ilə həyata keçirilir.

Eni 24 millimetr təşkil edən kəmərdən həm klassik qol, həm də "ağıllı" saatlarda (Samsung Gear, Apple Watch və s.) və ya müstəqil istifadə etmək olar. Kəmərdə, həmçinin qoşma və söndürmə düyməsi, səs ucalığı tənzimləyiciləri "Narahat etmə" rejimi üçün düymə, işıq diodları yerləşir. Mikrofon, akselerometr ilə təchiz edilən məmulat qara, mavi və ağ rəngdə təqdim edilir.

Qurğunu enerji ilə tam doldurmaq üçün 1 saat tələb olunur. Enerji sərfiyyatı aktiv rejimdə 4 saat, passiv rejimdə 7 gün təşkil edir. Dəstə təmir üçün alət, "microUSB" kabeli və ehtiyat detallar daxildir. Bundan başqa, istifadəçilər üçün özündə orqanayzer, fitnes-treker və digər funksiyaları birləşdirən eyniadlı mobil əlavə nəzərdə tutulub. Kəmərin qiyməti komplektləşmədən asılı olaraq 129-399 dollar arasında dəyişir. Tədarüklərə 2017-ci ilin fevralından "DHL" və "FedEx" xidmətləri ilə başlamaq planlaşdırılır.

Son xəbərlər
TƏBRİK
2019-09-02 12:02:59
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!