Robotlar insanları köləyə çevirəcək: Sivilizasiyanın sonu yaxınlaşır

2016-10-22 09:55:15 / 5834 dəfə oxunub

"Süni intellekt bəşəriyyətin ən böyük fəlakətinə səbəb ola bilər. Əgər bu intellekt düzgün idarə edilməsə, düşünən robotlar sivilizasiyasının sonunu gətirəcək".

sabahinfo.Az publika.az-a istinadən bildirir ki, bu barədə məşhur fizik Stiven Xokinq deyib.

Onun sözlərinə görə, süni intellekt nəticəsində dəhşətli silahlar istehsal olunacaq: "Bu, milyonlarla insanın məhv olmasına səbəb ola bilər. Süni intellekt bununla yanaşı, iqtisadi sistemlərin çöküşünü sürətləndirəcək. Düşünən robotlar gələcəkdə öz iradələrini qazanarsa, insanları köləyə çevirəcəklər".

Qeyd edək ki, "Google" şirkətinin hazırladığı Deep Mind adlı süni intellektli kompüter bu ilin əvvəlində dünya üzrə Go çempionunu məğlub edib. "Microfot"un icad etdiyi süni intellektli robot isə insan kimi səsləri tanıyır və ayırır.

Bu faktlara diqqət çəkən Stiven Xokinq süni intellektin sürətlə inkişaf etdiyini vurğulayıb.

Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!