Horadizdə multikultural və tolerant dəyərlər müzakirə edilib - FOTO

2016-11-29 19:34:38 / 2499 dəfə oxunub

Horadizdə Dini Qurumlarla İş üzrə Dövlət Komitəsinin (DQİDK) və Füzuli Rayon İcra Hakimiyyətinin birgə təşkilatçılığı ilə "Multikultural və tolerant dəyərlərimiz: tarixilik, varislik, müasirlik” mövzusunda regional konfrans keçirilib.

DQİDK-nin mətbuat xidmətindən Sabahinfo.az-a verilən məlumata görə, konfransda DQİDK, Füzuli Rayon İcra Hakimiyyəti, Qafqaz Müsəlmanları İdarəsinin rəsmiləri, dini icma sədrləri, din xadimləri, ilahiyyatçılar, eləcə də ictimaiyyət nümayəndələri, ziyalılar iştirak ediblər.

Füzuli Rayon İcra Hakimiyyəti başçısı Aparatının ictimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Qabil Əliyev konfransı açaraq ölkəmizdə dövlət-din münasibətlərinin yüksək səviyyədə tənzimlənməsindən, "Multikulturalizm ili” elan olunan 2016-cı ildə bu sahədə reallaşdırılan layihələrdən danışıb.


DQİDK sədrinin müavini Gündüz İsmayılov dövlətimizin din siyasətinin təməlinin Ümummilli Lider Heydər Əliyev tərəfindən multikultural cəmiyyətin bütün incəliklərinin hesaba alınması ilə qoyulduğunu qeyd edərək, bu ənənənin hazırda yüksək səviyyədə davam etdirildiyini bildirib. Dövlət Komitəsi sədrinin müavini ölkəmizin zəngin multikultural mühitinə əsas təhlükə törədən potensial və real təhdidlərə diqqət çəkərək, dini radikalizmin doğura biləcəyi mənfi nəticələrdən bəhs edib. Bildirib ki, məzhəb müxtəlifliyi şəraitində multikultural cəmiyyətlərdə, xüsusilə İslam dininə mənsub toplumlarda ənənəvi İslamın zəifləməsi fonunda xarici təsirlərin güclənməsi prosesi gedir. Dini radikalizmin güclənməsi dinin siyasiləşdirilməsinə, tolerantlığın zəifləməsi isə məzhəbçiliyin güclənməsinə, dini kimliyin milli kimliyə qarşı qoyulmasına, cəmiyyətdə qütbləşmənin və sosial təbəqələşmənin yaranmasına aparıb çıxarır.

Tədbirin ikinci hissəsi diskussiya şəraitində keçib, milli dəyərlərimizin qorunması, nümunəvi Azərbaycan gəncinin əsas xüsusiyyətləri, qloballaşma şəraitində müasirləşmənin milli özünəməxsusluğun itməsi hesabına baş verməməsi üçün görülən işlər müzakirə edilib.
Mövzu ilə bağlı gənclərin fikirləri dinlənilib, müzakirələr aparılıb.



Son xəbərlər
HÜQUQİ DÖVLƏTİN BANİSİ
2017-07-29 12:48:11



~120x240 Beyaz Sud






Bütün hüquqlar qorunur: © Copyright 2016 SabahInfo.az Müstəqil İnformasiya Agentliyi
Ünvan: Bakı şəhəri
Tel: (994 51) 335 04 08
Tel: (994 55) 309 15 96
E-mail: sabahinfoaz@mail.ru
Baş Redaktor: Yusif Məhəmmədoğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!
Site by: azDesign.ws