Yunanıstan müxalifətinin lideri: "DESFA-nın SOCAR tərəfindən özəlləşdirilməməsi hökumətin fiaskosudur"

2016-12-04 22:58:43 / 693 dəfə oxunub

"İslahatlar aparmaq niyyətində olmayan Yunanıstan hökümətininatdığı addımlar investorların ölkədənqaçışına səbəolur". "APA-Economics" xəbəveriki, bu barədə Yunanıstan müxalifətinilideri KiriakosMitsotakideyib.

 

Siyasətçbunmisal olaraqDESFA-nıSOCAtərəfindənözəlləşdirilməsi prosesini göstərib: "Baş nazir Aleksis Tsipras iqtisadi sahədə islahatların aparılmasında maraqlı deyil. Bu səbəbdən investorlar ölkədən qaçır. Sabiq energetika naziri Panos Skurletis SOCAR-la DESFA arasında danışıqların uğursuz nəticələnməsi üçün birbaşa məsuliyyət daşıyır. İnvestorların ölkədən qaçması hakimiyyətin fiaskosudur".

 

Qeyd edək ki, dekabr ayının 1-də SOCAR, Yunanıstanın Özəlləşdirmə Fondu və "Hellenic Petroleum S.A." şirkəti DESFA-nın özəlləşdirilməsi layihəsinə xitam verilməsi ilə bağlı açıqlama yayıblar. Açıqlamada deyilir: "SOCAR, Yunanıstann Özəlləşdirmə Fondu və "Hellenic Petroleum S.A." DESFA-nın 66%-nin özəlləşdirilməsi müddətini uzatmamağı qərara alıblar. 2013-cü il iyunun 21-də Yunanıstanın Özəlləşdirmə Fondu SOCAR-ı DESFA-nın özəlləşdirilməsi üzrə keçirilən tenderin qalibi elan edib. Son iki ildə SOCAR Yunanıstan və Avropa Birliyi tənzimləyici orqanlarından özəlləşdirmənin təsdiqi, müvafiq tələblərin yerinə yetirilməsi, o cümlədən DESFA-da iştirak etmək üçün potensial alıcıların dəvət olunması istiqamətində işlər aparıb. SOCAR, İtaliyanın "Snam" və satıcılar DESFA-nın maliyyə vəziyyətinə və bazar dəyərinə təsir edən Yunanıstanın qanunvericiliyinə son dəyişikliklər fonunda qarşılıqlı məqbul olan həllin tapılması ilə bağlı son bir neçə ayda intensiv danışıqlar aparıblar. Danışıqlar dostluq şəraitində keçib, Yunanıstan hökuməti və satıcılar hər zaman razılaşmaya münasibətdə dəstəkləyici və əməkdaşlıq mövqeyi tutublar. Lakin tərəflər investorların və satıcıların maraqlarına cavab verən qarşılıqlı məqbul kommersiya mexanizmi üzrə razılığa gələ bilməyiblər. Nəticədə, 2016-cı il noyabrın 30-da razılaşmaya xitam verilib".


SOCAR razılaşmanın dayandırılmasının Yunanıstanda və regionda gələcək investisiyalarına təsir etməyəcəyi qənaətindədir.

 

Yeri gəlmişkən, artıq DESFA-nın səhmlərinin alınmasına iki şirkət maraq göstərir. Yunanıstan mətbuatı yazır ki, vaxtilə DESFA-nın səhmlərinin alışına maraq göstərən Belçikanın "Fluxys" şirkəti yenidən aktivləşib.

 

Bununla yanaşı, Rumıniyanın "Transgaz" şirkəti də DESFA-da pay almaqda maraqlıdır.

 

Bildirilir ki, "Transgaz"ın rəhbərliyi artıq Afinada yüksək səviyyədə danışıqlar aparıblar və DESFA-nın özəlləşdirilməsi ilə bağlı keçirilən tenderdə iştirak etməkdə israrlıdırlar. Yerli mətbuat iddia edir ki, Rumıniya şirkəti DESFA-da pay almaq üçün 400 mln. avro ödəməyə hazırdır.

 

Mətbuat daha bir maraqlı detala diqqət yetirir. Belə ki, həm "Fluxys", həm də "Transgaz" DESFA ilə Əməkdaşlıq Memorandumu imzalayıb. 



Son xəbərlər
Bakı funikulyoru pullu oldu
2017-01-18 18:24:32
Heyrətləndirən Tərtər
2017-01-17 17:32:12
Millimizin yubiley gecəsi
2017-01-17 15:09:05
4 nazir vəzifədən getdi
2017-01-17 14:54:03



~120x240 Beyaz Sud






Bütün hüquqlar qorunur: © Copyright 2016 SabahInfo.az Müstəqil İnformasiya Agentliyi
Ünvan: Bakı şəhəri
Tel: (994 51) 335 04 08
Tel: (994 55) 309 15 96
E-mail: sabahinfoaz@mail.ru
Baş Redaktor: Yusif Məhəmmədoğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!
Site by: azDesign.ws