Ticarətdə xaricə daha az valyuta çıxarıldı

2016-12-15 17:20:16 / 1225 dəfə oxunub

Bu ilin yanvar-noyabr ayları ərzində Azərbaycan 183 ölkə ilə 16 milyard 31 milyon 631 min dollar həcmində ticarət əməliyyatı həyata keçirib.

sabahinfo.Az-ın məlumatına görə, "Report”un Dövlət Gömrük Komitəsinə istinadən verdiyi xəbərə görə, ticarət dövriyyəsinin həcmində ötən ilin eyni dövrü ilə müqayisədə 20,20% azalma qeydə alınıb.

Hesabat dövründə idxal əməliyyatlarının həcmi illik 6% azalaraq 7 milyard 716 milyon 723 min dollar, ixrac isə illik 30,02% azalaraq 8 milyard 314 milyon 908 min dollara enib.

Bu ilin yanvar-noyabr ayları ərzində ticarət dövriyyəsində 598 milyon 184,35 min dollarlıq müsbət saldo (yəni, xaricə satdığımız, xaricdən aldığımızdan çoxdur - red.) yaranıb. 

Ötən ilin müvafiq dövründə həmin göstərici 2 milyard 432 milyon 17,66 min dollar təşkil edib. Beləliklə, ticarət dövriyyəsinin müsbət saldosunda 4 dəfədən çox azalma qeydə alınıb.
Bu müddətdə ölkəyə 7228 adda mal gətirilib, Azərbaycandan isə əksinə 2809 çeşiddə mal ixracı həyata keçirilib.



Son xəbərlər



~120x240 Beyaz Sud






Bütün hüquqlar qorunur: © Copyright 2016 SabahInfo.az Müstəqil İnformasiya Agentliyi
Ünvan: Bakı şəhəri
Tel: (994 51) 335 04 08
Tel: (994 55) 309 15 96
E-mail: sabahinfoaz@mail.ru
Baş Redaktor: Yusif Məhəmmədoğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!
Site by: azDesign.ws