Pis nəticə göstərən şagird də attestat alacaq

2016-12-19 17:05:45 / 1388 dəfə oxunub

9-cu sinif üzrə buraxılış imtahanlarının 1-ci mərhələsinin nəticələri 1 aydan sonra həmin şagirdin şəxsi səhifəsinə yerləşdiriləcək. Burada hətta ekspertlərin rəyləri də olacaq.

sabahinfo.az xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə Nazirlər Kabineti tərəfindən yeni təsdiqlənən "Ümumi təhsil pilləsində təhsil alanların yekun qiymətləndirilməsinin (attestasiyasının) aparılması qaydaları”na həsr olunmuş konfransda deyib.

 

M.Abbaszadə bildirib ki, yeni qaydalara görə, imtahan nəticələri yalnız balla yazılacaq:

 

"Orada şagirdin imtahanda "mənfi" ya "müsbət", "yaxşı" və "pis" nəticə toplaması yazılmayacaq. İmtahanda hansı nəticə toplamasından asılı olmayaraq, şagird attestat alacaq".

 

M.Abbaszadə qeyd edib ki, imtahanın nəticələrinə əsasən, şagirdlər orta ixtisas təhsili müəssisələrinə sənəd verə biləcəklər.

 

Onun sözlərinə görə, buraxılış imtahanın nəticələrinə görə, 1 və 2-ci mərhələdə toplanılan ümumi bal 100 olacaq.

 

 "İlk dəfə olduğuna görə hələlik elə bir məhdudiyyət qoymamışıq ki, 1-ci mərhələdə 0 bal toplayan 2-ci mərhələdə iştirak etməsin və yaxud da kolleclərə sənəd verməsin.

 

Şagird 1-ci mərhələdə açıq tapşırıqlara verdiyi cavabla 30, 2-ci mərhələdə ənənəvi qapalı testlərlə 70 bal toplaya bilər. İyunda tədris ili bitdikdən sonra buraxılış imtahanının 2-ci mərhələsi keçiriləcək. İmtahan bitdikdən 2 gün sonra nəticələr açıqlanacaq.

 

Bundan sonra müəyyən olunacaq ki, biz hansı balla şagirdlərin kolleclərə sənəd verməsinə icazə verə bilərik. Amma hətta ola bilsin ki, yaxın bir ay ərzində də bu barədə açıqlama verək. Qaydalar hələ müzakirə olunur".



Son xəbərlər
HÜQUQİ DÖVLƏTİN BANİSİ
2017-07-29 12:48:11



~120x240 Beyaz Sud






Bütün hüquqlar qorunur: © Copyright 2016 SabahInfo.az Müstəqil İnformasiya Agentliyi
Ünvan: Bakı şəhəri
Tel: (994 51) 335 04 08
Tel: (994 55) 309 15 96
E-mail: sabahinfoaz@mail.ru
Baş Redaktor: Yusif Məhəmmədoğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!
Site by: azDesign.ws