Günay Fuad qızı Abdullayevadan: "Sən, geri dönmə"

2017-01-06 15:39:06 / 16675 dəfə oxunub

Harda görərsən.?


Gözlərim səmanın buludlarıdı,

Çaxanda şimşəktək,dola bilərmi?

Sən məni unutsan,unut əzizim,

Mən səni unutsam,ola bilərmi?


Bir qaya olacam,bir daş olacam,

Bir sual boğacaq məni içimdə.

Mən özüm,özümə sirdaş olacam,

Bəlkə də qalacam,neçə seçimdə.


Gözlərin gözümü,arayar bir gün,

Bir gün darıxanda,darda görərsən,

Nə səsim olacaq,nə o ərköyün,

Getmişem,axtarma,harda görərsən..?


***

Bu axşam


Yoxluğun qəlbimə qonaq bu gecə,

Bilirəm bir başqa gecə bu axşam.

Nəfəsim kəsilir,gözüm arayır,

Ürəyim darıxır,necə bu axşam.


Bir sükut,bir də mən,mən deyiləm ki,

Bütün ağrılara,tən deyiləm ki,

Dözümüm tükənib,sən deyiləm ki,

Gözlərimi yumam keçə,bu axşam.


Bilmirsən,heç bilmə,hardan biləsən?

Ölürəm,vəfasız,daşmısan,nəsən?

Sevgilər sayrışan,küləklər əsən,

Viranə qalıbdı,küçə bu axşam.


Yenə acıqlıdır,mənə gözlərim,

Çətin ki,ağlaya,dinə gözlərim,

Yenə yuxusuzdur,yenə gözlərim,

Bu nisgillə yatar üçə bu axşam...

Ürəyim darıxır necə,bu axşam..!


***

Sən geri dönmə


Gəlmə,çıx ömrümdən,genimdə dayan,

Saçlarıma saldın,dən,geri dönmə.

Şirin yuxulara batmısan indi,

Tək qaldım yuxuda mən geri dönmə.


Bəxtimi,sevgimi döndürüb getdin,

Axan göz yaşımı,sindirib getdin,

Eşqinin odunu,söndürüb getdin,

Getdiyin eşqində sön,geri donmə.


Baxma,kədərimə,gülərəm əlbət,

Ağlaram,ağlaram silərəm,əlbət,

Tanrıdan bir şeyi,dilərəm əlbət,

Bir daha ömrümə,sən,geri dönmə!


Son xəbərlər
Nazir yeni rəis təyin etdi
2019-10-16 16:12:57
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!