"Reina qətliamçısı"ndan təzə xəbər: özək ifşa olunub, ailəsi tutulmayıb...

2017-01-07 10:08:05 / 1775 dəfə oxunub

İstanbulda yeni il gecəsi 39 nəfərin öldürüldüyü Reina qətliamını İŞİD terror təşkilatının "Özbək” hücrəsinin təşkil etdiyi bəlli olub. Sabahinfo.az-ın Türkiyə mediasına istinadən məlumatına görə, hüquq-mühafizə orqanları İŞİD-ib bu ölkədəki Şərqi Türküstan mənşəli "Özbək” şərti adlı özəyini deşifrə edib. Əməliyyat zamanı Reina terrorçusuna yardım etmiş 10 nəfərlik qrup ələ keçirilib. Tutulanların bu qanlı hadisənin hazırlanmasında aktiv rol oynadıqları bildirilir.

Əməliyyat nəticəsində Reina qətliamçısı, Əbu Muhamməd Xorasani kod adlı, əsl adı hələ də bəlli olmayan, özbək əsilli olduğu bildirilən terrorçuya dəstək vermiş 10 nəfərdən başqa, daha 15 nəfərin saxlanıldığı bildirilir.

 

Məlumatda bildirilir ki, "Xorasani”, 12 dekabrda terror təşkilatının Konyadakı özəyinin ifşa olunmasından sonra, 15 dekabrda İstanbula gəlib.

 

Bundan başqa, bəlli olub ki, terrorçunun arvadının və iki uşağının Konyada ələ keçirildiyi barədə yayılan məlumatlar həqiqəti əks etdirmir. Terrorçunun ailəsinin qətliamdan dərhal sonra İŞİD-in başqa bir hücrəsinə təhvil verildiyi üzə çıxıb.



Son xəbərlər



~120x240 Beyaz Sud






Bütün hüquqlar qorunur: © Copyright 2016 SabahInfo.az Müstəqil İnformasiya Agentliyi
Ünvan: Bakı şəhəri
Tel: (994 51) 335 04 08
Tel: (994 55) 309 15 96
E-mail: sabahinfoaz@mail.ru
Baş Redaktor: Yusif Məhəmmədoğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!
Site by: azDesign.ws