Aqil Abbas: Çiçəkləri ayaq altda atmayın!

2017-03-31 16:22:39 / 3960 dəfə oxunub

Çiçəkləri ayaq altda atmayın,

günahdı!

And verirəm Allaha!

siz günaha batmayın

günahdı!

O çiçəkdə

sevənlərin gözü var,

ləçəyində

neçə həsrət izi var,

qönçəsində

dodaqların közü var…

o közü tapdayarsız

tapdamayın, günahdı!

Çiçəkləri ayaq altda atmayın

günahdı!

Ömürləri çiçək kimi

vaxtdan əvvəl solanların xətrinə,

qız görməmiş

sinəsindən yaralanıb,

səngərlərdə qalanların xətrinə…

oğullarçın, ərlərçin

saçlarını yolanların xətrinə…

Çiçəkləri ayaq altda atmayın

günahdı!

And verirəm Allaha!

siz günaha batmayın

günahdı!

O çiçəyi yığarsız,

insafınız yox,

yığmağınız cəhənnəm,

insafınız yox,

bazarlarda satarsız,

satmağınız cəhənnəm,

kədərdən doluxantək,

təklikdən soluxantək,

ayaq altda atarsız!

Çiçəkləri ayaq altda atmayın,

günahdı!

And verirəm Allaha!

Siz günaha batmayın,

günahdı!


Son xəbərlər
QHT müqavilələr bağladı
2019-06-12 12:13:43
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!