Saakaşvili Putin ilə əməkdaşlıqda ittiham edilir

2017-04-20 15:33:26 / 3184 dəfə oxunub

Odessa vilayətinin sabiq qubernatoru Rusiya prezidenti Vladimir Putinə işləməkdə ittiham edilir.

Bu barədə Ali Radanın "Petr Poroşenko Bloku”dan olan deputatOleq BarnaZİK telekanalının "Druqaya Ukrayna” tok-şousunun birbaşa efirində deyib. Həmin verilişin aparıcısı Saakaşvilinin özüdür.

"İndi belə çıxır ki, prezidentə qarşı Putin ilə birləşirlər. Bu sizə yaraşmır”, - Barna deyib.

Cavab olaraq Saakaşvili qəzəblənib və qışqırıb. Oqeyd edib ki, rusiyalı lider ilə "birləşmək” onun üçün yolverilməzdir.

"Mənim Rusiyada fabrikim yoxdur, bu ölkəilə ticarət aparmıram. Putin məni öldürmək istədiyini deyib. Nə Poroşenko, nə də siz mənə Putin ilə işlədiyimi deyə bilməzsiniz. Putin məni düşmən hesab edir, mən Putin ilə mübarizə aparıram”, - Gürcüstanın sabiq prezidenti bildirib.

Saakaşvili teleaparıcı karyerasına martda başlayıb. Onun sözlərinə görə, "Druqaya Ukrayna” verilişi ölkəni heç kimin göstərmədiyi kimi göstərəcək.

Saakaşvili 2015-ci ilin may ayından 2016-cı ilin noyabr ayına qədər Odessa vilayətinin qubernatoru olub.



Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!