Yayda azərbaycanlı sahibkarlar ərəb ölkələrinə səfər edəcək

2017-04-22 16:09:08 / 2845 dəfə oxunub

İyulda azərbaycanlı sahibkarlardan ibarət nümayəndə heyəti işgüzar əlaqələrin qurulması üçün Qətər, Səudiyyə Ərəbistanı və Birləşmiş Ərəb Əmirliklərinə səfər edəcəklər.

Trend-in məlumatına görə, bunu "Azərbaycan-Ərəb ölkələrinin əməkdaşlığı” İctimai Birliyinin sədri Elşən Rəhimov təşkilatın təqdimat mərasimində deyib.

Onun sözlərinə görə, İctimai Birlik tərəfindən təşkil olunan missiyanın səfəri bu üç ölkə ilə məhdudlaşmayacaq, gələcəkdə digər ərəb ölkələrinə səfərlər də planlaşdırılır: "Biz bu səfərlər çərçivəsində forumlar keçirməyi planlaşdırmırıq. Hazırda bizim vəzifəmiz ərəb ölkələrinin ticarət palataları və işgüzar dairələrinin nümayəndələri ilə görüş təşkil etməkdir. Biz yalnız ərəb investorların diqqətini Azərbaycana cəlb etmək yox, həm də sahibkarlarımızın ərəb ölkələrinə çıxışını təmin etmək istəyirik. Azərbaycan və ərəb ölkələri arasında dövlət səviyyəsində yaxşı əlaqələr qurulub, bizim vəzifəmiz isə bu ölkələrin iş adamları ilə birbaşa əlaqələr yaratmaqdır".


Son xəbərlər
QHT müqavilələr bağladı
2019-06-12 12:13:43
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!