Türkiyə Rusiya buğdasına qoyulan qadağanı ləğv etdi

2017-05-04 16:36:50 / 1510 dəfə oxunub
Türkiyə Rusiyadan buğda idxalına dair bütün qadağanı ləğv etdi.

Sabahinfo.az "Bloomberg”ə istinadən xəbər verir ki, bu barədə Türkiyənin iqtisadiyyat naziri Nihat Zeybekçi bildirib.

May ayının 3-də Rusiya prezidenti Vladimir Putin türk lideri Rəcəb Tayyib Ərdoğan ilə danışıqlardan sonra bildirib ki, görüşdə qarşılıqlı ticarətdə sanksiyaların aradan qaldırılmasına dair razılıq əldə olunub. Bununla yanaşı, vizasız rejim haqqında və Türkiyədən Rusiyaya pomidorun idxalına qoyulan sanksiyalar saxlanılıb.

Türkiyə hakimiyyəti martın 15-də bir sıra kənd təsərrüfatı mallarının gətirilməsinə dair qaydaları dəyişdirib. Bununla yanaşı, Rusiya rüsumsuz tədarükə hüququ olan ölkələrin siyahısına düşməyib.

Türk biznesinin nümayəndələri belə tədbirləri, Rusiyanın türk məhsullarına qoyduğu qadağaları tamamən ləğv etmədiyi ilə izah edirlər. Kənd Təsərrüfatı Nazirliyi öz növbəsində Ankaranın qərarının Rusiya buğdasının, qarğıdalısının və düyüsünün Türkiyəyə tədarükünün tamamən dayandırılmasına və məhsulların digər bazarlara yönləndirilməsinə gətirib çıxara biləcəyini bəyan edib.



Son xəbərlər



~120x240 Beyaz Sud






Bütün hüquqlar qorunur: © Copyright 2016 SabahInfo.az Müstəqil İnformasiya Agentliyi
Ünvan: Bakı şəhəri
Tel: (994 51) 335 04 08
Tel: (994 55) 309 15 96
E-mail: sabahinfoaz@mail.ru
Baş Redaktor: Yusif Məhəmmədoğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!
Site by: azDesign.ws