Məşhur meyxanaçı həmkarlarını tənqid etdi: ""Nabrana gedək, 2 ceyran götür" kimi söz deyənləri..."

2017-10-08 17:10:53 / 5355 dəfə oxunub
Meyxanaçı Aqşin Fateh həmkarları arasında baş verən qalmaqaldan danışıb.

Sabahinfo.az bildirir ki, big.az-a açıqlama verən meyxanaçı bu kimi lazımsız davaların şairə yaraşmadığını bildirib. Onun sözlərinə görə, söyüşlə meyxana demək söz ustadına yaraşmır:

"İstəməzdim ki, həmkarlarım arasında belə xoşagəlməz hadisələr baş versin. Şairə yaraşmaz. Biri var şəxsiyyətini təhqir edələr, o zaman kimliyindən, harda olmağından aslı olmayaraq özünə hörmət edən insan kimi əlbəyaxa da olarsan, hələ o yana da keçərsən. Əgər xırda şeylər üstə söz-söhbət düşübsə, yola vermək olar.

Açıq-aydın danışmağın öz üslub tərzi var ki ədəb, etika qaydaları çərçivəsində ondan çıxmaq olmaz. Açıq-aydın söyüşlə meyxana, ya rep demək söz ustadına yaraşmaz. Söyüşlə hər kəs bir-birinə cavab verə bilər. Söyüşsüz, sətiraltı, şüuraltı fikri çatdırmaq olar. Meyxanada da təbəqələr var. Zəif, orta, güclü meyxana deyənlər var. Sənət üçün çalışanlara dəyər verirəm. 

Ədəbsiz "Qoşul mənə, gedək bara", "Nabrana gedək", "İki qızı sən götür" belə şeylər qətiyyən qəbulolunmazdır. Elə insanlara qarşı çox amansızam. Yeni gələnlərə tövsiyələrimi bildirirəm ki, gözəl, mənalı, dəyərli sözlər yazsınlar".
Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!