Biləsuvar rayonunda 1 oktyabr “ Ahıllar günü” ilə əlaqədar tədbir keçirildi

2017-09-30 19:36:09 / 5453 dəfə oxunub
30 sentyabr 2017-ci il tarixdə Biləsuvar rayonundakı "Veteranlar Klubu”nda 1 oktyabr-"Ahıllar Günü” ilə əlaqədar tədbir keçirildi.

Tədbirdə rayon icra hakimiyyəti başçısının müavini,ictimai-siyasi və humanitar məsələlər şöbəsinin müdiri Ləman Yüzbaşova və rayonun ayrı-ayrı sahələrində çalışmış ağsaqqalları iştirak etdi.
Tədbirdə çıxış edən Ləman Yüzbaşova ahılları bu əlamətdar gün münasibətilə təbrik edib, ölkəmizdə ahıllara göstərilən böyük diqqət və qayğıdan danışıb. Bildirib ki, respublikamızda ahıl insanlara dövlət qayğısı ildən-ilə artır. Ləman xanım Beynəlxalq Ahıllar Gününün ölkəmizdə 1993-cü ildən qeyd olunduğunu nəzərə çatdıraraq, xalqımızın ümummilli lideri Heydər Əliyevin ahıl insanlara, onların problemlərinə həmişə böyük diqqət və qayğı ilə yanaşdığını, 2001-ci il iyunun 22-də "Ahıllara sosial xidmət haqqında" Azərbaycan Respublikasının Qanununu imzaladığını vurğulayıb: "Həmin Qanuna əsasən, ölkədə 70 yaşına çatan Azərbaycan vətəndaşları, habelə ölkəmizdə daimi yaşayan əcnəbi və vətəndaşlığı olmayan şəxslər ahıl hesab olunurlar. Bu gün də Azərbaycan Respublikasının Prezidenti cənab İlham Əliyev tərəfindən imzalanan fərman və sərəncamlara, 2006-cı il 17 aprel tarixli sərəncamla təsdiqlənmiş "Ahıl vətəndaşların sosial müdafiəsinin gücləndirilməsi üzrə Dövlət Proqramı"na, habelə bir sıra dövlət proqramlarına uyğun olaraq, ahılların sosial müdafiəsi sahəsində mühüm işlər görülür.

L.Yüzbaşova bildirdi ki, rayonumuzda da hər il oktyabrın 1-i "Beynəlxalq Ahıllar Günü" kimi qeyd olunur. Bu günün keçirilməsində məqsəd ahıl vətəndaşların sosial problemləri ilə tanış olmaq, ehtiyaclarını müəyyənləşdirərək onlara imkan daxilində maddi və mənəvi köməkliklər göstərməkdir.
Çıxış edən rayon Ağsaqqallar Şurasının sədri Əvəz Miriyev onlara göstərilən diqqət və qayğıya görə ahıllar adından Azərbaycan Respublikasının Prezidenti cənab İlham Əliyevə öz dərin təşəkkürünü bildirdi. Əvəz müəllim çıxışında qeyd etdi ki, rayonun ahılları, ağsaqqalları rayonun ictimai-siyasi həyatında fəal iştirak edirlər. Bu gün onlar gənc nəslin tərbiyəsində, hərbi-vətənpərvərlik ruhunda yetişməsində böyük rol oynayırlar.

Tədbirdə digər çıxış edənlər də Azərbaycanın müstəqil dövlət kimi dünyanın böyük, nəhəng ölkələri ilə bir cərgədə addımladığı dövrdə ağsaqqal sözü, ahıl məsləhətinin gənclərə hələ çox lazım olacağını qeyd edərək bundan sonra da yetişməkdə olan gənc nəslin bu ruhda tərbiyə olunması üçün əllərindən gələni əsirgəməyəcəklərini bildirdilər.
Son xəbərlər
Nazir yeni rəis təyin etdi
2019-10-16 16:12:57
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!