İcra başçısı və Millət vəkili kənd sakinləri ilə görüşüb

2017-10-24 13:09:49 / 7743 dəfə oxunub
Rayonun kənd və qəsəbələrində, İsmayıllı şəhərinin hər bir məhləsində müntəzəm görüş-qəbullar keçirən rayon İcra Hakimiyyətinin başçısı Mirdaməd Sadıqov və Milli Məclisin deputatı Novruzəli Aslanov 21 sentyabr 2017-ci il tarixdə Mücü və Xankəndi kəndlərində olublar.

Mücüdə keçirilən görüş-qəbulu giriş nitqi ilə açan RİH-nin başçısı M.Sadıqov İsmayıllının timsalında dövlətin sosial siyasətinin yüksək səviyyədə həyata keçirilməsindən, Mücünün ona bəlli olan problemlərindən və onların aradan qaldırılması yollarından danışıb.

Millət vəkili Novruzəli Aslanov çıxış edərək deyib ki, İsmayıllıda əhalinin sosial həyatı, təhsil, mədəniyyət və kənd təsərrüfatı ilə bağlı məsələləri RİH-nin rəhbərliyi ilə birgə həll etməyə çalışırıq. Deputatın fəaliyyəti daha çox qanun yaradıcılığından ibarət olsa da, əhali ilə müntəzəm görüşür, aid strukturlarla birgə onların təklif və arzularını öyrənir, reallaşmasına yardımçı olur.


Mais Süleymanov, Zülfüqar Zülfüqarov, Ağabala Zülfüqarov, Cavanşir Süleymanov kəndə yeni, yüksək gücə malik elektrik transformatoru qoyulmasını, kənddaxili elektrik xətlərinin qaydaya salınmasını, məktəbin qış mövsümünə hazırlanması üçün kombi sisteminin təmirinə yardımçı olmağı xahiş etdilər.

Məktəbin direktoru A.Zülfüqarov Mücü kəndinin tarixinin öyrənilməsi məqsədi ilə AMEA-na müraciət etməyi məqsədəuyğun sayıb.

Yeni transformator məsələsi "Azərişığ”a müraciət əsasında yerindəcə həll olunub. Digər məsələlərlə əlaqədar aid strukturlara müvafiq tapşırıqlar verilib.


Xankəndində keçirilən qəbul zamanı Balaşükür İskəndərov kəndə qaz çəkilməsi, Əlibaba Şıxıyev perspektiv inkişaf üçün torpaq sahəsi ayrılması, Zəfər Hüseynov Mücü çayının kənarında sahilbərkitmə işləri aparılması, Rəfail Cəlilov sakinlərin qış yanacağı ilə təmin olunması üçün imkan yaradılması barədə fikir söyləyiblər.

Görüş və qəbulda qaldırılan məsələlərin həlli ilə əlaqədar qanuna və mövcud imkanlara əsaslanan tapşırıqlar verilib.

Səmimi və işgüzar şəraitdə keçən görüş-qəbullar qarşılıqlı razılıq yaradıb.
Son xəbərlər
Nazir yeni rəis təyin etdi
2019-10-16 16:12:57
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!