İsmayıllıda 10 milyonuncu Azərbaycan Vətəndaşının dünyaya gəlməsi bayram edilib

2019-04-08 18:27:14 / 5055 dəfə oxunub
Dövlət bayramlarının, sevinc-fərəh gətirən tarixi günlərin sırasına biri də əlavə olundu. Ümummilli liderimiz Heydər Əliyevin yenidən Azərbaycana rəhbərlik məsuliyyətini götürdüyü gündən başlayaraq tədricən hər günümüz bayrama çevrilməkdə davam edir. Bu gün isə xüsusi bir bayramın, milli tariximiz üçün çox önəmli olan bir günün sevincini yaşayırıq. Azərbaycan Respublikasının 10 milyonuncu vətəndaşı dünyaya gəlib. Bu münasibətlə Heydər Əliyev mərkəzinin qarşısındakı meydanda təntənəli tədbir keçirilib.

Sabahinfo.az xəbər verir ki, tədbiri giriş nitqi ilə açan İsmayıllı rayon ağsaqqallar şırasının sədri Valeh Salehov 10 milyon vətəndaşı olan bir ölkənin rəhbəri olduğuna görə Azərbaycan Respublikasının Prezidenti cənab İlham Əliyevi, Azərbaycan analarının ən yaxın və böyük qayğıkeşi, Heydər Əliyev Fondunun Prezidenti, Birinci xanım Mehriban Əliyevanı təbrik edib. İqtisadi, sosial, siyasi, say tərkibi baxımından böyüyən, yüksələn xalqımıza İsmayıllı ictimaiyyətinin ən xoş arzularını bildirib. 10 milyonuncu vətəndaşımızın dünyaya gəlməsi gününün bayramlar sırasına daxil olduğunu qeyd edib.

İsmayıllı Rayon Təhsil Şöbəsinin aparıcı məsləhətçisi Mail Səftərov və şəhər 3 saylı məktəb-liseyin coğrafiya müəllimi Əminə Ağayeva bu mövzuda çıxış edib, milyonuncu vətəndaşa möhkəm can sağlığı, səadət, ailəsinə rifah, ölkəmizə əmin-amanlıq, torpaqlarımıza bütövlük, qüdrətli Ordumuza qələbə arzulayıblar.

Sonda böyük bayram konserti olub, Vətənə, yüksəlişə, xalqa, analara həsr olunmuş mahnılar ifa edilib, şeirlər söylənib.

10 milyonuncu vətəndaşın dünyaya gəlməsi münasibətilə Əbulhəsən Ələkbərzadə küçəsində kiçik park salınması üçün ərazi ayrılıb, burada ağaclar əkilib, yaşıllıqlar salınıb.
Son xəbərlər
QHT müqavilələr bağladı
2019-06-12 12:13:43
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!