Anar Bağırov Beynəlxalq Hüquq Forumda ölkəmizi təmsil edib

2019-05-18 18:54:30 / 2796 dəfə oxunub
14-18 may tarixlərində Rusiyanın Sankt-Peterburq şəhərində IX Beynəlxalq Hüquq Forumu keçirilmişdir. Forumda Azərbaycan Respublikası Vəkillər Kollegiyası adından Kollegiyanın sədri Anar Bağırov iştirak etmişdir. Azərbaycanın Respublikasının Vəkillər Kollegiyası hər il ənənəvi olaraq keçirilən foruma Rusiya Vəkillər Kollegiyalarının Federal Palatası tərəfindən dəvət olunmuşdur.

Tədbirdə Vəkillər Kollegiyasının sədrinin bir sıra ölkələrin vəkillər kollegiyalarının, habelə ixtisaslaşmış beynəlxalq təşkilatların rəhbərləri ilə qarşılıqlı görüşləri keçirilmiş, gələcək əməkdaşlığın perspektivləri barədə faydalı fikir mübadiləsi aparılmışdır.

Bundan əlavə, Vəkillər Kollegiyasının sədri Anar Bağırov forumun vəkillik peşəsi ilə bağlı sessiyasında "Uğur qonorarının taleyi” mövzusunda çıxış etmiş, bu sahədə Azərbaycan təcrübəsi barədə tədbir iştirakçılarına ətraflı məlumat vermiş, onların suallarını cavablandırmışdır. Qeyd olunan mövzu ilə bağlı həmçinin Rusiya Federasiyası Vəkillərinin Fedral Palatasının sədri Yuriy Pilipenko, İngiltərə və Uels Hüquq Cəmiyyətinin sədri xanım Bləklous Krinstin, Almaniya Vəkillərinin Federal Palatasının sədri Vessel Ulrix, Paris Vəkillər Palatasının sədri xanım Peyron Meri-Emi, Moldova Respublikası Vəkillər İttifaqının sədri Ploşnitsa Emanuil tərəfindən müvafiq ölkələrin təcrübəsinə dair məruzələrlə çıxış edilmişdir.

Qeyd olunan sessiyada Rusiya Federasiya ədliyyə naziri Aleksandr Konovalovun da olmuşdur. O, öz çıxışında Rusiyada peşəkar hüquqi yardımın göstərilməsi sahsəində islahatların həyata keçirilməsinin vaxtının gəlib çatdığını qeyd etmiş və bu təşəbbüsün reallaşacağına ümidlərini ifadə etmişdir.

Bundan başqa Forum çərçivəsində Sankt-Peterburq Vəkillər Palatasının təşkilatçılığı ilə qonaq ölkələrin vəkillər kollegiyalarının rəsmiləri üçün təntənəli şam ziyafəti verilmişdir. Tədbir "Vəkillik fəaliyyətinin əsas prinsipləri haqqında” Xartiyanın imzalanmasının 3-cü ildönümünə həsr olunmuşdur.



Son xəbərlər
Nazir yeni rəis təyin etdi
2019-10-16 16:12:57
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!