Zakir Həsənov: "Ermənilər çalışırlar ki, nəsə etsinlər, ancaq biz..."

2019-06-18 10:45:47 / 976 dəfə oxunub

Fransa məhkəməsinin qondarma "Dağlıq Qarabağ Respublikasını” tanımaması böyük qələbədir.

Trend-in məlumatına görə, bunu Müdafiə naziri Zakir Həsənov bu gün keçirilən mətbuat konfransında deyib.

Nazir, həmçinin gəncləri sosial şəbəkələrdə diqqətli olmağa, təxribatlara uymamağa çağırıb: "Vətən, millət, dövlətçilik məsələlərində bütün şəxsi mövqelər kənarda durmalıdır. Bizim torpaqlarımız işğal olunubsa, birləşməliyik. Sosial şəbəkələrdə belə məsələləri yazanların 90 faizi ermənilər, digərləri isə öz şəxsi mövqelərindən çıxış edən cılız insanlardır. Ermənilər çalışırlar ki, nəsə etsinlər, ancaq biz buna imkan verməməliyik, hamımız bir olmalıyıq”.

Z.Həsənov Bakıda UEFA-nın Avropa Liqasının final oyununun ermənilər tərəfindən siyasiləşdirilməsi cəhdlərinin boşa çıxdığını bildirib:

"Ermənilər çalışdılar ki, nəsə etsinlər, ancaq bütün cəhdlər boşa çıxdı, Azərbaycan yarışı yüksək səviyyədə təşkil etdi. Biz çalışmalıyıq ki, Azərbaycan dövlətçiliyini qoruyaq. 10 minlərlə zabitimiz səngərlərdə qəhrəmanlıq yaradır".


Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!