YAP-ın namizədi Əliabbas Salahzadənin seçicilərlə növbəti görüşü keçirildi - FOTOLAR

2020-01-30 11:31:42 / 1726 dəfə oxunub

Yanvarın 28-də Sabunçu qəsəbəsində 27 saylı Sabunçu ikinci seçki dairəsindən YAP tərəfindən namizədliyi irəli sürülmüş Əliabbas Salahzadənin seçicilərlə növbəti görüşü keçirildi.

Görüşdə çıxış edən YAP Sabunçu rayon təşkilatının sədri Mehriban Abasquliyeva son on altı ildə Prezident İlham Əliyevin rəhbərliyi ilə ölkəmizdə çoxsaylı uğurların əldə olunduğunu,müstəqilliyimiziin durmadan inkişafı və xalqımızın rifahının getdikcə yaxşılaşmasını vurğulayaraq "Daha güclü Azərbaycan naminə!" devizi ilə seçiciləri 09 fevral 2020-ci il tarixdə keçiriləcək Parlament seçkilərinə qatılmağı, YAP namizədlərini dəstəkləməklə Azərbaycanın gələcəyinə səs verməyə çağırdı.


Görüşdə çıxış edən Yeni Azərbaycan Partiyasının 27 saylı Sabunçu ikinci Seçki Dairəsi üzrə deputatlığa namizədi Əliabbas Qalib oğlu Salahzadə seçicilər qarşısında çıxış edərək, öz platformasını qısa şəkildə diqqətə çatdırıb. Bildirib ki, əsası Ulu Öndər Heydər Əliyev tərəfindən qoyulan və bu gün ölkə Prezidenti İlham Əliyevin rəhbərliyi ilə uğurla həyata keçirilən mükəmməl strategiya nəticəsində, Azərbaycan yüksək sürətlə inkişaf edən ölkələr sırasına daxil olub. Əliabbas Salahzadə seçicilərinin ona səs verəcəyi və deputat seçiləcəyi təqdirdə, verdiyi bütün vədlərin həyata keçirilməsinə çalışacağını bildirib.



Görüşdə iştirak edən Sabunçu rayon ictimaiyyətinin nümayəndələri, ziyalılar Milli Məclisə seçkidə mövcud dövlət siyasətini dəstəkləməklə, YAP-a inamını ifadə edəcəklərini və YAP-ın 27 saylı Sabunçu ikinci Seçki Dairəsindən deputatlığa namizədi Əliabbas Qalib oğlu Salahzadəyə səs verəcəklərini bildirdilər.


Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!