Könül Nurullayevadan iztihamlı görüş - FOTO

2020-01-30 16:24:34 / 3120 dəfə oxunub
 "Seçki qərargahımda Qarabağ Müharibəsi Əlilləri, Veteranları və Şəhid Ailələri ictimai birliyinin, eləcə də Azərbaycan Respublikası "Çernobıl Əlilləri" ittifaqı ictimai birliyinin Nizami rayon şöbəsinin üzvləri ilə görüşdüm. Qarabağ ölkəmizin ayrılmaz hissəsidir!". 

Bunu 24 saylı Nizami birinci seçki dairəsindən deputatlığa namizəd Könül Nurullayeva deyib. Onun sözlərinə görə, ölkə başçısı Cənab İlham Əliyevin ötən ilin payızında Rusiya Federasiyasının Soçi şəhərində "Valday” Beynəlxalq Diskussiya Klubunun XVI illik iclasının plenar sessiyasında dünya liderlərinin qarşısında Ermənistanın baş nazirinin "Qarabağ Ermənistanın hissəsidir və nöqtə” bəyanatının yalan olduğunu qeyd edərək, "Qarabağ tarixi əzəli Azərbaycan torpağıdır. Beləliklə, Qarabağ Azərbaycandır və nida işarəsi” deməsi, bu məsələyə birdəfəlik diplomatik nöqtə qoyub. Əminəm ki, apardığımız uğurlu siyasət nəticəsində torpaqlarımızı gec-tez geri qaytaracağıq. Toplantıda cəsur vətəndaşlarımızı düşündürən problemlər və narahat edən məsələlər barədə maraqlandım. Keçmiş hərbçilərimizin indi də döyüşkən ruhda olması, seçkidə sonadək mübarizə aparacaqlarını demələri, bir gənc namizəd olaraq məni çox fərəhləndirdi və kövrəltdi. Sonra təqvimə uyğun olaraq, 24 saylı Nizami 1-ci seçki dairəsi üzrə daha Rüstəmov 66, 68, 70 saylı binaların sakinləri ilə ərazidəki meydançada bir araya gəldim.



 Burada da seçicilərimi arxayın dinlədim, onları maraqlandıran suallara cavab verdim və problemlərin həlli istiqamətində əl-ələ verib birgə çalışmağa səslədim. Daha sonra "Çernobıl Əlilləri" ittifaqi ictimai birliyinin ailə üzvlərini ziyarət etdik. Onları düşündürən bütün məsələlərin həllinin daim diqqətimdə olacağına söz verdim. Görüşlərimiz davamlıdır və seçki dairəmizin hər məntəqəsini əhatə edir.
Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!