Seçicilər yenə də ona səs verəcəklərini dedilər - Fotolar

2020-02-05 14:30:16 / 1428 dəfə oxunub

Yeni Azərbaycan Partiyasının deputatlığa namizədi Malik Həsənov kəndlərdə keçirdiyi çoxlu görüşlərdən sonra bu gün rayon mərkəzində növbəti dəfə seçicilərlə görüşüb.

Sabahinfo.az-ın verdiyi xəbərə görə, 67 saylı Cəlilabad Şəhər Seçki Dairəsindən namizədliyi qeydə alınan M.Həsənov Cəlilabad şəhər sakinləri ilə görüşərək öz platformasını açıqlayıb və bunun ətrafında seçicilərlə müzakirələr aparıb. O, irəli sürdüyü məsələlərlə bağlı şəhər sakinlərinin təkliflərini dinləyib və səsləndirilən ideyalarla bağlı öz fikirlərini bildirib. Malik Həsənov uzun müddət bu dairənin deputatı olduğu üçün seçicilərini yaxşı tanıdığını, onların qayğılarını da, son illər sakinlər üçün görülən işləri də yaxşı bildiyini deyib.


Növbəti dəfə millət vəkili seçiləcəyi təqdirdə yenə də seçicilərinin yanında olacağını, abadlıq və quruculuq işlərinin davam edəcəyini əlavə edib. Sakinlər də Malik Həsənovun deputat fəaliyyətindən razı qaldıqlarını, bu dəfə də seçkidə onu dəstəkləyəcəklərini bildiriblər.


Qeyd edək ki, Malik Həsənov IV və V çağırış Milli Məclisin deputatı, Milli Məclisin Regional Məsələlər Komitəsinin və İntizam Komissiyasının üzvü olub.


Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!