Adil Əliyev seçicilərin növbəti qəbulunu keçirib

2020-05-23 14:07:56 / 7697 dəfə oxunub

20 saylı Nərimanov seçki dairəsindən deputat, Milli Məclisin sədr müavini, Gənclər və İdman Komitəsinin sədri Adil Əliyev 23.05.2020-ci il tarixdə videokonfrans vasitəsiylə seçicilərinin növbəti qəbulunu keçirmişdir.

Videoqəbul zamanı seçicilərin qaldırdığı müxtəlif məsələlər müzakirə edilmiş, onları narahat edən bir sıra problemlər yerindəcə həll edilmiş, habelə secicilərin məişət şəraitinin yaxşılaşdırılması, kommunal problemlərin aradan qaldırılması və digər müraciətlər araşdırılması üçün aidiyyəti orqanlara göndərilmişdir.
Görüşdə iştirak edən seçicilər cənab Prezident İlham Əliyevin rəhbərliyi ilə vaxtında və düzgün atılmış addımlar nəticəsində bütün dünyada geniş yayılmış koronavirus pandemiyasının, ölkəmizdəki fəsadlarının minimuma endirilməsini, əvvəllər tibbi maska qıtlığına və tibbi ləvazimatlara olan ehtiyacların tam aradan qaldırılmasını, qəbul edilmiş sosial paketlərin nəticəsində güzəranlarının daha da yaxşılaşmasını, Birinci Vitse-Prezident Mehriban xanım Əliyevanın nəcib təşəbbüsüylə başlanmış sosial yardım paketlərini yüksək qiymətləndirilmişlər.
Adil Əliyev müəqəddəs Ramazan bayramı və 28 may – Respublika Günü münasibətilə seçiciləri təbrik edib, onların daim dövlətin diqqət və qayğısında olmasını bildirib, habelə xəstəliyin yayılmasının qarşısının alınması məqsədilə Nazirlər Kabineti yanında Operativ Qərargahın bütün növ tapşırıq və tövsiyələrinə əməl etməyə, bayram müddətində zərurət olmadığı halda evdən çıxmamağı tövsüyə edib.
Görüşün yekununda ərazidə yaşayan aztəminatlı ailələrə bayram sovqatı və tibbi ləvazimatlar paylanılmışdır.

Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!