ABŞ Azərbaycan-Ermənistan sərhədində əməliyyatları dayandırmağa çağırır

2020-07-14 10:15:49 / 904 dəfə oxunub

ABŞ Azərbaycan-Ermənistan sərhədində baş verən qarşıdurmanı pisləyir və tərəfləri güc tətbiq edilməsini dərhal dayandırmağa çağırır.

Trend-in məlumatına görə, bu barədə ABŞ Dövlət Departamentinin mətbuat katibi Morqan Ortequsun bəyanatında deyilir.

Bəyanatda bildirilir: "ABŞ Azərbaycan-Ermənistan dövlət sərhədindəki zorakılığı qətiyyətlə pisləyir. Tərəfləri güc tətbiq etməyi dərhal dayandırmağa, aralarındakı mövcud birbaşa əlaqə kanallarından istifadə etməyə və atəşkəs rejiminə ciddi şəkildə əməl etməyə çağırırıq. ATƏT-in Minsk qrupunun həmsədri kimi ABŞ tərəflərə Dağlıq Qarabağ münaqişəsinin davamlı və dinc yolla həllinə kömək etməkdə sadiqdir. Bu məqsədə çatmaq üçün səylərdə fəal iştirak etməyə davam edəcəyik. ABŞ Minsk qrupu həmsədrlərinin tərəflərə mümkün qədər qısa müddətdə danışıqları bərpa etmək çağırışlarına qoşulur və həmçinin vəziyyət imkan verdikcə ATƏT müşahidəçilərinin bölgəyə qaytarılmasının vacibliyini qeyd edir".


Son xəbərlər
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!