Koronavirusa qarşı Rusiya peyvəndi yaxın iki həftə ərzində istifadəyə veriləcək

2020-08-13 10:14:26 / 4434 dəfə oxunub

Rusiyada koronavirusa qarşı peyvənd iki həftə ərzində buraxılacaq.

"İnterfax” xəbər verir ki, bu barədə ölkənin Səhiyyə naziri Mixail Muraşko deyib.

Onun sözlərinə görə, peyvəndi ilk olaraq risk qrupundan olan insanlar qəbul edəcək:

"Bu gün keyfiyyətə nəzarət edilir. İki həftə ərzində dərman vasitəsinin ilk paketləri istehsal ediləcək və onlar (aşılama) risk qrupu həkimləri üçün təhvil veriləcək”.

Muraşko Rusiyada qeydə alınan koronavirusa qarşı peyvəndin təhlükəsiz olmadığı barədə iddialarıəsassız adlandırıb:

"Xarici həmkarlarımız yəqin ki, Rusiya dərmanının müəyyən rəqabət üstünlüklərini hiss edərək bəzi fikirləri ifadə etməyə çalışırlar. Bu da bizim fikrimizcə, tamamilə əsassızdır. Həqiqətən, bir çox ölkələr tədqiqat üçün müəyyən məcburi rejimlərdən istifadə etdilər, amma Rusiya peyvəndi artıq müəyyən klinik məlumatlara sahib mövcud bir həlldir”.

Qeyd edək ki, ABŞ-ın baş yoluxucu xəstəliklər mütəxəssisi Entoni Fauçi koronavirusa qarşı Rusiyada hazırlanmış peyvəndin təhlükəsizliyi ilə bağlı şübhələrininolduğunu deyib. Eyni zamanda, ABŞ prezidentinin köməkçisi Kellian Konvey də Rusiya peyvəndini tənqid etmişdi.


Son xəbərlər
Məktəblər bağlanacaq
2020-09-22 12:22:12
Atəşkəs pozuldu
2020-09-22 10:47:19
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!