"Apple" Danimarkada ən böyük məlumat mərkəzini açır

2015-02-23 16:34:46 / 6825 dəfə oxunub
ABŞ-ın "Apple” şirkəti Danimarkada dünyanın ən iri məlumat mərkəzlərindən birini istifadəyə verəcək. Rabitə və Yüksək Texnolgiyalar Nazirliyinin məlumatına görə, bu barədə Danimarka Xarici İşlər Nazirliyinin məlumatında deyilir. Mərkəz enerji ilə tamamilə bərpa olunan mənbələrdən təchiz ediləcək, habelə istiliyin qalığı yerli isitmə şəbəkəsinə ötürülməklə ətraf mühit üçün mənfi fəsadları aradan qaldırmağa kömək edəcək. 
Mərkəzi Yutlandiyada Viborq şəhərində tikiləcək yeni məlumat mərkəzinə investisiyaların həcmi 6,3 milyard kron (850 milyon avro) təşkil edəcək. İnşaat işlərinin 10 il davam etməsi planlaşdırılır. Bu, Danimarkada ən böyük xarici investisiya layihəsi olacaq.
Eyni zamanda oxşar mərkəz İrlandiyada da yaradılacaq. Layihənin ümumi dəyəri 1 milyard avrodan çoxdur ki, bu da "Apple”ın Avropada ən böyük investisiyasıdır.
"Layihə Danimarka iqtisadiyyatı üçün ciddi dəstək olacaq”, - Danimarka ticarət və inkişaf naziri Moqens Yensen deyib.
Nazir qeyd edib ki, "Apple”ın seçimi sübut edir ki, Danimarka "yaşıl” həllər və bərpa olunan enerji texnologiyaları sahəsində dünya lideridir. O, daha sonra əlavə edib ki, bu, həmçinin Danimarkanın investorlar, xüsusilə innovativ biznes üçün cəlbedici ölkə olmasından xəbər verir. "Bu, dünyanın ən ekoloji təmiz və innovativ məlumat mərkəzi olacaq”, - o vurğulayıb, - "TASS ” yazır.   
Son xəbərlər
Atambayev saxlanıldı
2019-08-08 17:45:08
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!