Dünyada smartfon istifadəçilərinin sayı ilk dəfə 2 milyardı ötüb

2015-02-27 16:19:38 / 4207 dəfə oxunub
"Strategy Analytics” analitik şirkətinin məlumatına görə, smartfonlar dünyada ən geniş yayılmış elektron qurğuya çevrilib. Ekspertlərin qiymətləndirməsinə görə, 2014-cü ildə dünyada smartfonlardan istifadə edən insanların sayı ilk dəfə iki milyardı ötüb. 
Mütəxəssislər həmçinin hesablayıblar ki, təkcə ötən il ərzində smartfon sahiblərinin sayı 37 faiz - 2013-cü ildəki 1,5 milyarddan 2,1 milyard nəfərədək artıb. Beləliklə, dünya əhalisinin üçdə bir hissəsi (29 faiz) hazırda bu qurğulardan istifadə edir. Müqayisə üçün qeyd edək ki, 2013-cü ildə bu göstərici 22 faizə bərabər olub.
 Bu il smartfon istifadəçilərinin sayının daha 22 faiz artacağı gözlənilir. Analitiklərin proqnozuna görə, 2015-ci ilin sonunadək 2,5 milyard nəfər və ya Yer kürəsinin 7,2 milyard nəfər təşkil edən əhalisinin 35 faizi smartfon sahibi olacaq.
 "Smartfonlar hər yerdə sürətlə yayılır. Tədricən bu qurğular insanların gündəlik həyatının mərkəzi elementinə çevrilərək onları evdə, maşında və ofisdə müşayiət edir”, - tədqiqatı şərh edən "Strategy Analytics”in icraçı direktoru Nil Mouston deyib, - "DailyComm” yazır.  



Son xəbərlər
TEST
2017-09-14 17:32:10
HÜQUQİ DÖVLƏTİN BANİSİ
2017-07-29 12:48:11



~120x240 Beyaz Sud






Bütün hüquqlar qorunur: © Copyright 2016 SabahInfo.az Müstəqil İnformasiya Agentliyi
Ünvan: Bakı şəhəri
Tel: (994 51) 335 04 08
Tel: (994 55) 309 15 96
E-mail: sabahinfoaz@mail.ru
Baş Redaktor: Yusif Məhəmmədoğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!
Site by: azDesign.ws