Mark Tsukerberq "dekret"ə çıxır

2015-11-21 16:49:55 / 9175 dəfə oxunub

"Facebook" sosial şəbəkəsinin yaradıcısı Mark Tsukerberq atalıq məzuniyyətinə çıxır. APA TV-nin məlumatına görə, Mark bu barədə öz səhifəsində yazıb. O bildirib ki, qızı dünyaya gəldikdən sonra iki ay atalıq məzuniyyətinə çıxmaq barədə qərar qəbul edib.

"Facebook" yaradıcısının sözlərinə görə, valideynlərin uşaqlarla daha çox vaxt keçirməsi lazımdır: "Tədqiqatlar göstərir ki, işləyən valideynlərin yeni doğulan körpələrlə daha çox vaxt keçirməsi həm uşaqlar, həm də ailə üçün yaxşıdır".

Tsukerberq səhifəsində yeni doğulacaq körpəyə aldığı uşaq arabasının fotosunu da əlavə edib. Mark atalıq məzuniyyətində olduğu dövrdə "Facebook"un rəhbəri postunda onu kimin əvəzləyəcəyini yazmayıb. Maraqlıdır ki, Tsukerberq atalıq məzuniyyətinə çıxmağa uşağın dünyaya gəlməsinə 8 ay qalmış qərar verib.

Qeyd edək ki, "Facebook"un təsisçisi ilə həyat yoldaşı Pristsilla Xan Harvard Universitetində oxuyan zaman tanış olublar. Onlar on il görüşdükdən sonra evlənməyə qərar veriblər.

Son xəbərlər
Nazir yeni rəis təyin etdi
2019-10-16 16:12:57
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!