Cərrahdan daha yaxşı əməliyyat edən robot yaradılıb

Cərrahdan daha yaxşı əməliyyat edən robot yaradılıb

2016-05-15 23:08:15 / 7908 dəfə oxunub
ABŞ-da cərrahi əməliyyat zamanı müəyyən funksiyaları cərrahdan daha yaxşı yerinə yetirən ilk robot yaradılıb.

"STAR” ("Smart Tissue Autonomous Robot”) adlı avtonom qurğu yara yerinə tikiş vurmaq üçün robot əl və avtomatlaşdırılmış alətdən ibarətdir. Robot, həmçinin əməliyyat üçün lazımi hərəkətləri dəqiqliklə göstərən "3D” infraqırmızı təsvir sistemi və sensorlar sistemi ilə təchiz edilib.

"ICTnews” Elektron Xəbər Xidməti "ria.ru” saytına istinadən yazır ki, Vaşinqtonda yerləşən Milli Uşaq Səhiyyə Sisteminin mütəxəssisləri "STAR” aparatını donuzlar üzərində sınaqdan keçiriblər. Bu, donuzlarda daxili orqanların insanla oxşar olması səbəbi ilə izah edilib.

Layihədə iştirak edən tibb mütəxəssisi Piter Kim heyrətlə bildirib ki, cərrahlarla müqayisədə "STAR” aparatı əməliyyatı daha yaxşı yerinə yetirib. Onun sözlərinə görə, robot səhvə yol verdikdə cərrah istənilən an əməliyyata müdaxilə edə bilər. Belə ki, bir düyməyə sıxmaqla robotun fəaliyyətini dayandırmaq mümkündür.
Mütəxəssislərin fikrincə, robot kor bağırsaq və öd kisəsi əməliyyatlarında yardımçı olacaq.

Tədqiqatın nəticəsinə əsasən, yaxın 2-3 ildə kliniki sınaqlara başlamaq mümkündür.
Son xəbərlər
Nazir yeni rəis təyin etdi
2019-10-16 16:12:57
Bütün hüquqlar qorunur: © Copyright 2016-2019 SabahInfo.az Müstəqil İnformasiya Agentliyi
Ünvan: Bakı şəhəri, Azərbaycan Nəşriyyatı, 9-cu mərtəbə
Tel: (994 55) 440 34 97
Tel: (994 55) 627 08 25

E-mail: [email protected]
Baş Redaktor: Ədilzadə Ədil Tahir oğlu
DİQQƏT!!! Materiallardan istifadə edərkən SabahInfo.az Müstəqil İnformasiya Agentliyinə istinad zəruridir !!!