Azərbaycan Beynəlxalq Bankı məhkəməyə verildi

Bakı Apelyasiya Məhkəməsində "Xırdalan Xəz" ASC-nin Azərbaycan Beynəlxalq Bankına qarşı apelyasiya şikayəti üzrə məhkəmə prosesi başlayıb.

sabahinfo.az-ın məlumatına görə, şikayət üzrə məhkəmədə tərəflər dinlənilib və prosesin növbəti iclası iyunun 28-nə təyin edilib.

Qeyd edək ki, bir müddət əvvəl bank ASC-dən 18 min dollar dəbbə pulunun tutulması barədə iddia ərizəsi ilə 1 saylı Bakı İnzibati-İqtisad Məhkəməsinə müraciət etmişdi. "Xırdalan Xəz" ASC isə öz növbəsində, banka ödənilmiş 28 min dolların geri qaytarılması barədə iddia qaldırıb. Məhkəmə iddiaların heç birini təmin etməyib. Bundan sonra "Xırdalan Xəz" ASC apelyasiya şikayəti verib.