Yekaterinburqda kriminal avtoritet Rövşən Lənkəranski klanının üzvü Əhliman Gənciyev saxlanılıb.

sabahinfo.Az Rusiya KİV-nə istinadən xəbər verir ki, digər həmvətənləri ilə birlikdə qiymətli daşların qanunsuz dövriyyəsində şübhəli bilinir.

Vətəndaşların saxlanması üzrə xüsusi əməliyyat sentyabrın 29-da həyata keçirilib, lakin qanunsuz zümrüd satışı ilə məşğul olanları müəyyən etmək yalnız bu gün mümkün olub. Bu ana qədər məlum olub ki, 1,255 kq ağırlığında olan ən böyük minerallardan birinin dəyəri 1 milyon rubldan çoxdur.

Ə.Gənciyev bu ilin avqustunda Türkiyədə güllələnən kriminal avtoritet Rövşən Lənkəranskinin Yekaterinburqda kriminal vəziyyətə nəzarət edən cavabdeh şəxslərindən biri hesab olunur.