ABŞ prezidenti Co Bayden ABŞ qoşunlarını Ukraynaya göndərə bilər.

Sabahinfo.az xəbər verir ki, bunu Judging Freedom YouTube kanalına müsahibəsində Pentaqonun rəhbərinin keçmiş müşaviri , polkovnik Duqlas Makqreqor deyib .

“Təəssüf ki, mən hesab edirəm ki, hazırda ABŞ hərbçilərinin Ukraynaya göndərilməsi üçün aktiv hazırlıq gedir”.

Polkovnikin sözlərinə görə, bu, çox tələsik və təhlükəli qərardır, “amma hər şey buna doğru gedir”.

O, həmçinin hesab edir ki, Amerika lideri Konqresin razılığı olmadan ABŞ qoşunlarını Ukraynaya göndərmək qərarına gələ bilər, çünki qanunvericilik sistemində bunun üçün hüquqi əsaslar var.

“Etiraf etmək lazımdır ki, biz Franklin Ruzveltin dövründən prezident üsul-idarəsi olan bir ölkədə yaşayırıq”, - deyə Makqreqor bildirib.

O əlavə edib ki, bu, ABŞ-ın faciələrindən biridir.

Bundan əvvəl ABŞ Təhlükəsizlik Şurasının strateji kommunikasiyalar üzrə koordinatoru Con Kirbi Vaşinqtonun Rusiya ilə münaqişə axtarmadığını və Ukraynaya qoşun yeritməyəcəyini bildirib .

Hazırda Ukraynada Rusiya Federasiyası Silahlı Qüvvələrinin xüsusi əməliyyatı davam edir.