“Buça və İrpendə dinc sakinlərin ölümü çox qəddarcasına olub. Ukraynalı qadınları rusiyalı işğalçılar kütləvi şəkildə zorlayıb, daha sonra asıblar və yandırıblar”.

Bu sözləri Ukrayna Prezident Ofisi rəhbərinin müşaviri Aleksey Arestoviç deyib.

“Qətllər kütləvi olub. Hazırda sadəcə İrpendən 410 cəsəd çıxarılıb. Bu, küçələrdə yatanların sayıdır. Bunlar təcavüz edilmiş qadınlar, öldürülmüş uşaqlar, küçələrdə güllələnmiş insanlardır”, - deyə A.Arestoviç bildirib.

Onun sözlərinə görə, bir çox vətəndaş təsadüfən işğalçıların cinayətlərinin şahidi olduqları üçün öldürülüb.