18 iyulda Bakıda keçirilən Azərbaycan-Türkiyə Qardaşlıq Forumu, iki qardaş ölkə arasındakı möhkəm bağları bir daha nümayiş etdirdi. Forumda tanınmış qələm sahibləri, ziyalılar və media nümayəndələri ortaq informasiya məkanının qurulması, mədəni əlaqələrin gücləndirilməsi və birgə layihələrin perspektivləri haqqında fikir mübadiləsi apardılar. Xüsusilə 44 günlük Vətən müharibəsində Türkiyənin göstərdiyi sarsılmaz dəstək vurğulanaraq, bu tarixi həmrəylik nümunəsinin gələcək nəsillərə ötürülməsinin əhəmiyyəti qeyd olundu. Forum, yalnız bu günün deyil, gələcəyin də ortaq dəyərlər və güvən üzərində qurulacağını nümayiş etdirdi. Azərbaycan-Türkiyə dostluğu bir daha sübut etdi ki, bu birlik sadəcə siyasi deyil, mədəni, mənəvi və tarixi əsaslara söykənən əbədi bir qardaşlıqdır.

Leyla Allahverdiyeva