Dördgünlük aprel müharibəsindən sonra Azərbaycan prezidenti İlham Əliyev və Ermənistan prezidenti Serj Sarkisyan ilk dəfə görüşəcəklər.

Bu gün Vyanada baş tutacaq. Prezidentlər arasındakı danışıqlar Dağlıq Qarabağ münaqişəsi üzrə beynəlxalq vasitəçilər olan Rusiya, Fransa və ABŞ-ın nümayəndələrinin iştirakı ilə keçiriləcək.

Prezidentlər arasında keçiriləcək görüşün başlıca məqsədi atəşkəs rejiminin möhkəmləndirilməsi və danışıqların bərpası üçün əlverişli şəraitin yaradılması olacaq.