Rusiya və Fransa xarici işlər nazirləri Sergey Lavrov, Jan-Mark Ero və ABŞ dövlət katibi Con Kerri Azərbaycan və Ermənistan prezidentləri İlham Əliyev və Serj Sarkisyanın mayın 16-da Avstriyanın paytaxtı Vyanada keçiriləcək görüşündə iştirak edəcəklər.

Bu barədə `İnterfax` agentliyinə açıqlamasında Rusiya XİN rəhbərinin müavini Qeorqi Karasin bildirib.

"Belə bir görüş hazırlanır. Görüşdə Qarabağ münaqişəsi üzrə nizamlanma müzakirə olunacaq”, - deyə XİN rəsmisi qeyd edib.