Bunu Yeni Azərbaycan Partiyasının İcra katibinin müavini, Milli Məclisin deputatı Siyavuş Novruzov Qafqaz Müsəlmanları İdarəsinin şəhidlərimizin xatirəsinə hərs olunan tədbirində deyib.

S.Novruzov sözlərinə görə, bir daha sübut olundu ki, Dağlıq Qarabağ münaqişəsi dondurlulmuş münaqişə deyil: "Əgər dondurulmuş münaqişə həll olunmursa, bu, hər zaman təhlükə deməkdir. Beynəlxalq təşkilatlar bunu başa düşməlidir ki, əgər münaqişə sülh yolu ilə həll olunmursa, Azərbaycan alternativ yol ilə öz torpaqlarını işğaldan azad etməyə hazırdır”.

S.Novruzov deyib ki, bəzi qüvvələr düşünürdülər ki, münaqişəni uzadacaqlar, yeni nəsil işğal olunmuş torpaqları unudacaq və beləliklə münaqişə həll olunacaq: "Ancaq son hadisələr göstərdi ki, yeni nəsil işğal olunmuş torpaqlarımızı azad etməyə daha çox can atır, könüllü olaraq döyüşə getməyə hazır olduqlarını bildirirlər”.

Deputat əlavə edib ki, bir çox böyük dövlətlər Azərbaycanın haqqlı olduğunu bildirdi və Azərbaycanın ərazi bütövlüyünü dəstəklədi: "Azərbaycanda həm dövlət strukturları, həm ictimai təşkilatlar, həm də cəmiyyət bu hadisələr zamanı vahid mövqedən çıxış etdi və bu da düşmənimizi qorxuya saldı. Azərbaycan Prezidentinin rəhbərliyi altında uzun illər aparılan iş öz bəhrəsini verəcək. Azərbaycan Prezidenti atəşkəsi bərpa etməklə dünyaya sübut etdi ki, Azərbaycan sülhsevər bir ölkədir və biz məsələnin sülh yolu ilə həll olunmasını istəyirik. Lakin beynəlxalq təşkilatlar bunu başa düşməli və münaqişəni həll etməlidir. Əks halda Azərbaycanın rəşadətli ordusu öz bayrağını İrəvanın ortasından asacaq və beynəlxalq təşkilatlar hər şeyin gec olduğunu başa düşəcəklər”.