Çanaqqala Boğazında balıqçıların toruna 1-ci Dünya Müharibəsi dövründən qaldığı iddia edilən təyyarəyə aid pər ilişib.

"Ənəs Rəis" adlı balıqçı gəmisi Çanaqqala Boğazının Egey dənizi girişindəki Dovşan adası hissəsində dünən gecə saatlarında tor atıb. Balıqçılar səhərə yaxın yığdıqları tora ilişmiş 2 metr böyüklüyündə təyyarə pərini görüncə çaş-baş qalıblar.

sabahinfo.Az milliyet-ə istinadən xəbər verir ki, balıqçılardan Erdal Karasu pərin həm gəmiyə, həm də tora zərər verdiyini ifadə edərək: "Böyük bir balıq zənn etdik. Göyərtəyə qaldırınca onun pər olduğunu görüncə çaşıb qaldıq", - deyib.

Müharibədən qalma bir təyyarə hissəsi olduğu iddia edilən cisimin araşdırılması üçün Çanaqqala Döyüşləri Gelibolu Tarixi Alan İdarəsinə aparılıb. 

Çanaqqala On səkkiz Mart Universiteti (ÇOMÜ) Ədəbiyyat Fakültəsi Tarix Bölümü müəllimi Yrd. Dos. Dr. Mithat Atabayise Çanaqqala Döyüşlərindən sonra, 1-ci Dünya Müharibəsi zamanı davam edən hava hücumları zamanı bəzi təyyarələrin düşdüyünü, məhz sözügedən pərin də 1917-ci ildə vurulan təyyarələrdən birinə aid ola biləcəyini bildirib.