”Gürcüstan Silahlı Qüvvələrinin əsas vəzifəsi NATO standartlarına maksimum uyğun olmalıdır”.

APA-nın Gürcüstan bürosunun məlumatına görə, bu sözləri Gürcüstan Silahlı Qüvvələrinin yeni Baş Qərargah rəisi, briqada generalı Vladimir Çaçibaya deyib. O, regionda mövcud  olan təhlükələrə adekvat şəkildə silahlı qüvvələr yaradacaqlarını söyləyib: "Gələn ildən biz strateji müdafiə icmalı tətbiq edərək silahlı qüvvələrdə yenidən təşkilatlanma işinə başlayacağıq”.

V. Çaçibaya bildirib ki, orduda kadr dəyişiklikləri ilə bağlı məlumat gələcəkdə açıqlanacaq.

Qeyd edək ki, V. Çaçibaya 1971-ci il təvəllüdlüdür.