Bu gün səhər saatlarında İtaliyada Rixter şkalası ilə 6,4 bal gücündə zəlzələ olub. Yeraltı təkanların episentri Peruca şəhərindən 50 km cənub-şərqdə, 4 km dərinlikdə idi. Təkanlar bütün mərkəzi İtaliyada, o cümlədən Romada hiss olunub.
İlk təkan yerli vaxtla 3.36-da Ternidə, Lasio və Umbriya vilayətlərinin sərhədində qeydə alınıb.
Sabahinfo.Az Euronews-a istinadən bildirir ki, zəlzələdən ən çox Akkumoli, Amatriçe, Posta və Arkuata del Tronto şəhərləri ziyan çəkiblər. Bu şəhərlər Rieti və Askoli vilayətlərindədir. Həmin şəhərlərdə binalar və yollar dağılıb, insanlar dağıntılar altında qalıblar. Zəlzələ nəticəsində 6 nəfər həlak olub.
Akkumoli şəhərinin meri Stefano Petruççinin dediyinə görə, şəhərdə 4 nəfər həlak olub: "Uçmuş evin dağıntıları altında valideynlər və iki uşaq qalıb. Şəhərdəki binalara da çox ziyan dəyib", - mer söyləyib. Daha iki nəfər isə qonşuluqdakı Peskara del Trontoda həlak olublar.
Amatriçe şəhərində binaların yarısı darmadağındır. Torpaq sürüşməsi başlanıb. Mer Sercio Pirossinin dediyinə görə, şəhərdəki ən böyük körpü uça bilər.
İtaliyada son güclü zəlzələ 2009-cu ildə Akvila şəhərində yaşanmışdı. Həmin zəlzələdə 302 nəfər həlak olmuşdu.
İlk təkan yerli vaxtla 3.36-da Ternidə, Lasio və Umbriya vilayətlərinin sərhədində qeydə alınıb.
Sabahinfo.Az Euronews-a istinadən bildirir ki, zəlzələdən ən çox Akkumoli, Amatriçe, Posta və Arkuata del Tronto şəhərləri ziyan çəkiblər. Bu şəhərlər Rieti və Askoli vilayətlərindədir. Həmin şəhərlərdə binalar və yollar dağılıb, insanlar dağıntılar altında qalıblar. Zəlzələ nəticəsində 6 nəfər həlak olub.
Akkumoli şəhərinin meri Stefano Petruççinin dediyinə görə, şəhərdə 4 nəfər həlak olub: "Uçmuş evin dağıntıları altında valideynlər və iki uşaq qalıb. Şəhərdəki binalara da çox ziyan dəyib", - mer söyləyib. Daha iki nəfər isə qonşuluqdakı Peskara del Trontoda həlak olublar.
Amatriçe şəhərində binaların yarısı darmadağındır. Torpaq sürüşməsi başlanıb. Mer Sercio Pirossinin dediyinə görə, şəhərdəki ən böyük körpü uça bilər.
İtaliyada son güclü zəlzələ 2009-cu ildə Akvila şəhərində yaşanmışdı. Həmin zəlzələdə 302 nəfər həlak olmuşdu.
