KXCP İdarə Heyətinin növbəti toplantısıkeçirilib.İclasda qərarların icra vəziyyəti dəyərləndirilib, ictimai siyasi vəziyyət və qarşıda duran vəzifələr müzakirə edilərək uyğun qərarlar qəbul edilib. Həmçinin partiya orqanlarının həftə ərzində gördüyü işlər haqqında məlumat verilib. KXCP Ali Məclisinin son sessiyasında qəbul edilmiş qərarların icrası istiqamətində müzakirələr davam etdirilib. Ali Mclisin (AM) sözdə "erməni soyqırımı” ilə bağlı qəbul etdiyi sənədlərin Avropa Birliyi və Vatikanın Azərbaycan nümayəndəliklərinə çatdırılması haqqında məlumat verilib, bu "ayaq tutaraq yeriyən” yalanın gələcəkdə ciddi fəsadlar yaradacağında narahatlıqlar bildirilib və bunun durdurulması, əsil həqiqətlərin dünyaya çatdırılması üçün Türkiyə, Azərbaycan və digər türk dövlətlərinin, elm adamlarının, sivil toplumların sistemli və uzunmüddətli işlər görmələrinin, o cümlədən dünyanının mütərəqqi qüvvələrinin məlumatlandırılması istiqamətində zərur tədbirlərin görülməsi qeyd olunub. Ali Məclisin son sessiyasında qəbul edilmiş qərara uyğun olaraq, qurultayla bağlı hazırlıq vəziyyəti müzakirə edilib. Qurultaya Hazırlıq üzrə Təşkilat Komitəsinin məlumatı müzakirə edilərək QHTK-nin üzvləri arasındaiş bölgüsü aparılıb və partiyanın rayon (şəhər) şöbələrinin bu həftə ərzində keçirəcəkləri konfranslarda iştirak etmək üçün nümayəndələr təyin edilib. Çanaqqala zəfərinin 100 illiyi ilə bağlı 24 aprel tarixində Şəhidlər Xiyabanında türk şəhidliyi, Elçibəyin məzarı və Atatürkün abidəsi KXCP daxil olduğu "Azadlıq-2015”seçki blokundakı partiyalar tərəfindən ziyarət edilməsi haqqında məlumat verilib. Yığıncaqda KXCP sədri Mirmahmud Mirəlioğlu ictimai-siyasi vəziyyətlə bağlı çıxış edib.