Səfir Andrey Karlovun qətlə yetirilməsi ilə əlaqədar istintaqda iştirak etmək üçün Türkiyəyə səfər edən rusiyalı müstəntiqlər Ankara Baş Prokurorunun müavini Cem İşçimenlə görüşüblər.
APA-nın "Anadolu” agentliyinə istinadən verdiyi xəbərə görə, görüş iki saatadək davam edib.
Görüşün təfərrüatları barədə məlumat verilmir.
Xatırladaq ki, dekabrın 19-da Ankaradakı Müasir İncəsənət Mərkəzində keçirilən sərgidə çıxışı zamanı Rusiyanın Türkiyədəki səfiri Andrey Karlov qətlə yetirilib. Hadisəni törədən şəxsin polis əməkdaşı Mert Altıntaş olduğu məlum olub. O, təhlükəsizlik əməkdaşları tərəfindən zərərsizləşdirilib.
