Oktyabrın 1-dək fasilədə olan Türkiyə Böyük Millət Məclisinin Baş Məclisi sabah spiker Numan Kurtulmuşun çağırışı ilə növbədənkənar toplanacaq.

Sabahinfo.az Türkiyə mətbuatına istinadən xəbər verir ki, Fələstin prezidenti Mahmud Abbas TBMM-nin Fələstin xalqına və onun davasına dəstəyini göstərmək və Fələstin xalqının səsinin dünyaya çatdırılmasını təmin etmək üçün keçiriləcək Baş Assambleya iclasında çıxış edəcək.

Abbas ilk olaraq Türkiyə Böyük Millət Məclisinin sədri ilə ikitərəfli görüş keçirəcək.

İkitərəfli görüşdən sonra Abbas və Kurtulmuş TBMM-də prezident Rəcəb Tayyib Ərdoğanla görüşəcəklər. 

Xatırladaq ki, Abbas bundan əvvəl Rusiyaya səfər edərək prezident Vladimir Putinlə görüşüb.