Avropa İttifaqı (Aİ) Rusiya ilə münasibətləri normallaşdırmaq istəmədiyini göstərir.

TASS xəbər verir ki, bunu Rusiya Xarici İşlər naziri Sergey Lavrov xorvatiyalı həmkarı Qordan Radman ilə görüşdən sonra deyib.

"Avropa İttifaqı ilə Rusiya Federasiyası arasındakı münasibətlərdəki vəziyyətə toxunduq. Qiymətləndirməmiz göz qabağındadır. Bütün faktlar bir quruluş olaraq Avropa İttifaqının Rusiya Federasiyası ilə normal münasibətlərə hazır olmadığını göstərir, lakin bu, xorvatiyalı həmkarlarımız və dostlarımızla yaxşı, effektli, bərabərhüquqlu münasibətlər qurmağımıza qətiyyən mane olmur”, - deyə rusiyalı nazir bildirib.

Qeyd edilir ki, Rusiya ilə Aİ arasındakı münasibətlər 2014-cü ildə Ukrayna böhranı fonunda pisləşib.