Haitidə 23 nəfər "Metyu” qasırğasının qurbanı olub, 3 nəfər isə itkin düşüb.

sabahinfo.Az xəbər verir ki, bu barədə Report BBC-yə istinadən məlumat verir. 

Məlumata əsasən, hakimiyyət fəlakət bölgələri ilə əlaqə saxlaya bilmədiyindən qurbanların sayının artacağı ehtimal edilir.

Bu ada dövlətin prezidentinin səlahiyyətlərini müvəqqəti icra edən Joselerm Priver bildirib ki, ölkənin cənubundakı iri şəhərlərdə vəziyyət fəlakət həddindədir.

Hakimiyyət fəlakət bölgəsindən 21 nəfəri təxliyə edib.

İlkin məlumata görə, 3 mindən artıq ev dağılıb.

"Metyu” son 10 ilin ən güclü qasırğası sayılır. Bu qasırğa oktyabrın 4-dən başlayıb.