Hörmətli  Sumqayıt şəhəri, 44 saylı 3-cü seçki dairəsinin seçiciləri! 

Öncə Sizin hər birinizi salamlayır və sonsuz hörmətimi bildirirəm.

Bildiyiniz kimi, 2024-cü il sentyabrın 1-də Azərbaycan Respublikasının Milli Məclisinə nöbədənkənar seçkilər keçiriləcəkdir.Ölkəmizin siyasi sistemində aparıcı rola malik Yeni Azərbaycan Partiyası bu seçkilərə Azərbaycan Respublikasının Prezidenti İlham Əliyevin rəhbərliyi ilə əldə etdiyimiz möhtəşəm ümunxalq Zəfərindən sonra yaranmış reallıqlardan irəli gələn hədəflərlə - Yeni dövrə Yeni Azərbaycanla qatılır.
 Hər birinizi bu tarixi hadisələrin iştirakçısı olmağa dəvət edir, Azərbaycan vətəndaşı olaraq səsvermə hüququndan istifadə etməyə və Yeni Azərbaycana səs verməyə çağırırıq! Unutmayın ki, sizin səsiniz Yeni dövrdə Yeni Azərbaycanın gələcək inkişafına, sumqyıtliların rifahına xidmət edəcək. 

Təbliğat dövründə Sizlərlə birlikdə olmaq,hədəflərimizi Sizinlə bölüşmək,etimadınızı qazanmaq,Sizi layiqincə təmsil etmək üçün səy göstərəcəyəm.

İnanıram ki,parlament seçkilərində fəal iştirak edəcək,Yeni Azərbaycanın gələcəyinə səs verəcəksiniz!

Mehriban Vəliyeva
Yeni Azərbaycan Partiyasının 44 saylı Sumqayıt 3-cü Seçki Dairəsindən namizəd