Fövqəladə Hallar Nazirliyinin “112” qaynar telefon xəttinə Bakı şəhərinin Xətai rayonunda 2 nəfərin mənzildə bağlı qapı arxasında köməksiz vəziyyətdə qalması barədə məlumat daxil olub.
Sabahinfo.az FHN-ə istinadən xəbər verir ki, məlumatla əlaqədar Nazirliyin Bakı Regional Mərkəzinin xilasetmə qrupu çağırış üzrə cəlb olunub.
Xilasedicilər giriş qapısını açdıqdan sonra polis əməkdaşlarının iştirakı ilə mənzilə baxış keçiriblər. Mənzildə aşkarlanan kişi meyiti və halsız vəziyyətdə olan qadın aidiyyəti üzrə təhvil verilib.
