Psixologiya elminin böyük praktik əhəmiyyəti vardır. Psixoloji biliklər ictimai təcrübənin müxtəlif sahələrində tətbiq olunur və böyük fayda verir.  Təcrübə göstərirdi ki, müasir dövrün tətbiqi-psixoloji problemlərini əvvəlki illər üçün xarakterik olan yollarla, hətta elmi tədqiqat institutlarında laboratoriya və kafedralarda bilavasitə praktik əhəmiyyətli olan məsələləri öyrənməklə həll etmək mümkün deyildir. Elmin praktika ilə inteqrasiyasının bilavasitə təmin edən yeni forma lazımdır. Bu zərurətin aydın dərk edilməsi nəticəsində ölkədə tətbiqi tədqiqatların aparılması üçün geniş imkan yaradan psixoloji xidmət sistemi təşəkkül tapmağa başlayıb. Biləsuvarda Qadınların Sosial İnkişafına Dəstək İctimai Birliyi də  hədəf kütlələrinin  böyük əksəriyyətinin gender əsaslı zorakılığa məruz qalan qadınlar olduğundan  layihələr əsasında  bu və ya digər formada ,eyni zamanda könüllü fəaliyyətlər əsasında psixoloji yardımı 2024-cü ildə də davamlı təşkil etmişdir. 2025-ci il üçün də psixoloji xidmətin aparılması üçün maliyyə təminatını əldə etmişdir. Qadınlarımızın və aztəminatlı ailələrin psixoloji ehtiyaclarını  təmin etməklə cəmiyyətdə mövcud olan bir çox  problemin həllinə kömək etmiş oluruq. Bu gün təhsil sektorunda olan ağır təlim materiallarının uşaqların psixologiyasında yaratdığı böhran həddi də psixoloji müdaxilələrin qaçılmazlığına gətirib çıxarmışdır.