“Koorrupsiya və rüşvətxorluğa qarşı mübarizədə institusional tədbirlərə dəstək” layihəsi çərçivəsində Salyan rayonunda tədbir keçirilib. Tədbirdə ziyalılar, QHT rəhbərləri və medya nümayəndələri iştirak edib. "Korrupsiyaya Qarşı Mübarizə Mərkəzi" İctimai Birliyi tərəfindən icra olunan layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi ilə həyata keçirilir və bu yöndə 4 TV verlişlərin hazırlanması, Şamaxı və Salyanda tədbirlərin təşkili nəzərdə tutulmuşdur.
Salyanda baş tutan tədbirdə çıxış edən “Gələcəyə Baxış Avropaya İnteqrasiya” İB-nin sədri Bəsdi Nəsibova mövcud problemdən danışmış. Problemin həlli ilə bağlı görülən işləri, hökumətin bu istiqamətdə atdığı addımları sadalamışdır. Eyni zamanda B.Nəsibova ictimai sahənin koorupsiya və rüşvətxorluğa qarşı mübarizədə gördüyü işləri vurğulayıb.
Layihə rəhbəri Aydan Xıdırova tədbirdə çıxış edib. Bildirib ki, layihənin əsas məqsədi regionda olan vətəndaşların koorrupsiya, rüşvətxorluğa qarşı mübarizədə maarifləndirməkdən ibarətdir.
Layihə barəsində məlumat verən Aydan Xıdırova deyib ki, Prezident İlham Əliyevin 4 aprel 2022-ci il tarixində imzaladığı müvafiq Sərəncamla “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı” təsdiqlənib. Bu sənədin təsdiqlənməsi Azərbaycanın özünün inkişafının indiki mərhələsində korrupsiyaya qarşı mübarizəyə yeni baxışını və niyyətini ifadə edir. "Sənəddə vurğulandığı kimi, korrupsiyadan azad mühit və şəffaflıq kimi komponentlər isə məhz bu inkişafın başlıca amilləridir. Milli Fəaliyyət Planı ölkəmizin hazırkı inkişaf mərhələsində korrupsiyaya qarşı mübarizə sahəsində görülməli olan sistem xarakterli tədbirlərin effektivliyini və davamlılığını təmin edəcək fundamental bir sənəddir. Burada respublikamızın hazırkı inkişaf mərhələsinin reallıqları əsas götürülməklə qabaqcıl dünya təcrübəsi nəzərə alınıb. Sənəddə qeyd olunur: “Korrupsiyaya qarşı mübarizənin gücləndirilməsinə dair 2022-2026-cı illəri əhatə edən bu çoxşaxəli Milli Fəaliyyət Planı fərqli fəaliyyət istiqamətləri olan müxtəlif qurumların korrupsiyaya qarşı mübarizə səylərini birləşdirməyə xidmət edir, eləcə də korrupsiyaya qarşı mübarizənin bütün dövlət strukturları və vətəndaş cəmiyyəti institutları ilə birgə sistemli və əlaqəli şəkildə gerçəkləşdirilməsinə imkan yaradır”. Azərbaycanda korrupsiyaya qarşı mübarizədə əlaqədar qurumların koordinasiyalı fəaliyyəti də təmin edilir. Qeyd edək ki, respublikamızda Korrupsiyaya Qarşı Mübarizə üzrə Komissiya və Baş Prokuror yanında Korrupsiyaya Qarşı Mübarizə Baş İdarəsi kimi ixtisaslaşmış qurumlar fəaliyyət göstərirlər. Bu qurumlar korrupsiyaya qarşı mübarizə sahəsində dövlət siyasətinin formalaşmasında, cinayət təqibinin və preventiv tədbirlərin həyata keçirilməsində mühüm rol oynayırlar”.
Tədbirdə çıxış edən Salyan İcra hakimiyyətinin səlahiyyətli nümayəndəsi Məhərrəm Məmmədov, Salyan prokrorluğunun nümayəndəsi, hüquqşunas və media nümayəndələri mövzu ilə bağlı fikirlərini bölüşdülər.
