"Ermənistan Təhlükəsizlik Şurası katibinin bəyanatında Moskvaya qarşı hücumlar olub". 

Sabahinfo.az xəbər verir ki,  bunu həftəlik brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova Ermənistan Təhlükəsizlik Şurasının katibi Armen Qriqoryanın Ermənistanın Rusiya FTX-nin sərhəd xidməti tərəfindən nəqliyyat rabitəsinə nəzarətdən imtina etməsi barədə bəyanatını şərh edərkən deyib.  

“Əvvəla, mən istərdim ki, Ermənistanın adını çəkdiyiniz yüksək rütbəli nümayəndəsi hələ də qərar versin: ya normal dialoq olsun, bu nəinki mümkün, hətta erməni tərəfi ilə bizim təcrübəmizdə olmalıdır, ya da belə bəyanatlar. Biz birincini seçirik”, - Zaxarova bildirib.

Qeyd edək ki, Ermənistan Rusiya Federasiyası FTX-nin sərhəd xidməti tərəfindən nəqliyyat kommunikasiyalarına nəzarət etməkdən imtina edib. 

Azərbaycan, Ermənistan və Rusiya Federasiyası rəhbərlərinin 10 noyabr 2020-ci il tarixli üçtərəfli bəyanatına əsasən, nəqliyyat əlaqələrinə nəzarəti Rusiya FTX-nin sərhəd xidməti həyata keçirir.