Ötən gün Prezident yanında KİV-in İnkişafına Dövlət Dəstəyi Fondunun keçirdiyi tədbirdə jurnalistlərə mənzillərin verilməsi qaydaları və şərtləri açıqlanıb.
Açıqlanan şərtlərə görə, ən azı son 3 ildə fasiləsiz fəaliyyət göstərən kütləvi informasiya vasitəsi (televiziya və radio yayımçıları, qəzet, jurnal, informasiya agentliyi, internet xəbər portalı və saytı) Komissiya tərəfindən müəyyənləşdirilmiş şərtlərə uyğun olaraq Bakı şəhərində fəaliyyət göstərən əməkdaşlarının mənzil almağa namizədliyini irəli sürməlidir.
Televiziya və radio yayımçıları 10, gündəlik qəzetlər və informasiya agentlikləri 6, həftəlik qəzetlər, jurnallar, xəbər portalları və saytları 3 namizəd müəyyənləşdirə bilərlər.Namizədliyi verilən KİV əməkdaşı həmin redaksiyada ən azı fasiləsiz 3 il, KİV-lərdə isə ən azı fasiləsiz 10 il fəaliyyət göstərməlidir.
Bəs görəsən media qurumları namizədlərini müəyyənləşdiribmi?
